Tuesday 10 February 2015

懶人方便餐1: 一鑊熟意粉 - 蕃茄底 ( One Pot Pasta) (附食譜)


One Pot Pasta 在外國非常流行,最近燒到來香港,顧名思意,就是只用一個鍋,有料有粉,一煲過,直接煮,意粉不用先過水,配料加意粉,再加水,煮9-11分鐘,意粉會吸水,醬汁會慢慢變得濃稠,最後撈一撈,即成,簡單又好吃,只用一個鍋,再加兩隻碟,名附其實的懶人餐,哈哈!





(網上圖片)

一鑊熟意粉在外國不是新鮮事,日本也玩了一段時間,更有專用醬包賣呢。



其實一直也有用 one pot 的方法來煮 pasta,因為一煲過直接上檯,真的超方便,例如這個「芝士焗辣肉腸螺意粉」,不過用的是預先做好的自家製蕃茄醬,加意粉和辣肉腸直接煮,再加芝士入爐焗黃金脆面,雖不及今次介紹的 One pot 簡單,但味道卻更豐富!




材料多樣化,最基本是用蕃茄、腸仔、洋蔥、蘑菇、蒜片和羅勒,我用前天 BBQ 剩下的材料,清雪櫃無浪費,有青黃椒、雞脾菇和蕃茄,再加吃剩的 Salami,雪櫃內的西蘭花和洋蔥,切成易入口大小。意粉可用普通意粉 (Spaghetti)、扁意粉(linguine)、蝴蝶粉、長通粉或螺絲粉,但不宜用太易熟的天使麵,食材會不夠時間加熱呢。除了基本的腸仔,亦可用魚蝦蜆青口魷魚,肉丸雞肉煙肉火腿,蔬菜如南瓜露荀菠菜甘荀青豆粟米,非常多變! One Pot Pasta 雖然方便,但也不是所有材料都能用,要先想想各種材料是不是相配。


這是我愛用的意粉牌子,是一位意大利人廚師朋友介紹的,軟硬適中,口感極佳。包裝上有兩個時間,左面12分鐘較軟,右面10分鐘是 Al dente, QQ而不硬。


一鑊熟沒什麼難度,意粉質素、水量和時間比較重要,有些意粉會越煮越糊,口感不佳,粉水比例1:3,蕃茄出水量有異,不夠水才加,用清水味道會不夠,部份水量可用雞湯或牛湯,亦可用鰹魚粉和大地魚粉之類來一起煮。時間方面,網上多說用9分鐘,其實要看你的意粉需多少時間,不能一概而論,一般來說,不要煮多過包裝指示2分鐘,試味有需要才延長煮的時間,我這鍋最後煮了12分鐘。


材料(2人份):
意粉    200g
水     600g
蕃茄     400g (大蕃或車厘茄均可)
腸仔或 salami      200g
洋蔥      1隻
蘑菇或其他菇類     100g
羅勒(Italian Basil)      15片+5片(裝飾用)(我用 rosemary)
茄汁     2湯匙
鰹魚粉      1茶匙
辣椒粉/辣椒仔汁     少量(我用了泰式辣醬)
西蘭花/ 黃椒     適量(可以不加)
芝士粉(Parmesan Cheese)      30g

製法:
1)所有材料切成易入口大小,鍋子加入芝士和裝飾用羅勒以外的所有材料



2) 開中大火,水滾後,不用加蓋,轉中小火繼續煮10分鐘(即是包裝指示的時間),不時攪拌,免意粉黏底,如發現水量太少,可按需要加熱水



3) 如9分鐘不夠,可延長煮的時間,煮至喜愛的硬度,醬汁應已變得濃稠,如太稀薄,便大火一點來收汁,如中途發現某一種食材過熟,可早一點拿出來(如我的西蘭花)


4) 最後以少量鹽和胡椒來調味,灑上芝士拌勻即成



小貼士:
1) 視食材所需烹煮時間,易熟材料後落,如海鮮
2) 小心不要黏底,要不時攪拌




♡♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ 
快來 Like 我的 facebook 專頁,留意我的最新食譜

鬼嫁料理手帳
Facebook: https://www.facebook.com/oniyomei
Blog: http://oniyomeryori.blogspot.com
我的著作:《好吃鬼煮意》《蒸煮炆燉鬼煮意

♡♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡ ♥ ♡



註:本網誌內所有文章、食譜和圖片版權均屬鬼嫁所有,歡迎大家試做和分享,並註明出自鬼嫁,多謝合作!  如發現未經授權使用,本人將保留一切追究權利,Happy Cooking!

9 comments:

  1. 鬼嫁,多謝好介紹呀!小高最愛一煲熟,但煮意粉一煲熟真係未試過,好得意,好想即刻試試!:)

    ReplyDelete
  2. 一鑊熟夠晒方便, 要試試先得.

    ReplyDelete
  3. 一鑊熟意粉咁方便,搵日試下先得~~^^

    ReplyDelete
  4. 你好呀,鬼嫁!第一次留言!你兩本書我都有呀!真係好叻呀你!
    月尾我番香港要搵整鹽麴嘅材料!跟著再用佢整鹽麴豬扒!
    我想問如果用新鮮意粉你估掂唔掂?不過我諗麵應該要遲D放。。。

    ReplyDelete
    Replies
    1. 新鮮好似平時分開煮好D,一齊煮易 chi 底,太多麵粉,又太易熟,難控制

      Delete
    2. 多谢回覆。可能唯有用乾麵啦!囡囡有食物過敏所以麵條都係自家製。如果我有日放手一搏用新鮮嘅試驗,我話你矢口結果!
      我買到支鹽麴呀!雖然我其實係想買原料自己整但事與願違。自己冇得去超市買!托媽咪搵唔敢太多要求。

      Delete